Bòrd na Gàidhlig a’ cur fàilte air taic an Riaghaltais dhan Ghàidhlig

Na cleachd ro 1800, Monday, December 7, 2009

Tha Bòrd na Gàidhlig, a’ phrìomh bhuidheann poblach le uallach airson leasachadh na Gàidhlig, air fàilte a chur air an taic a nochdas Rùnaire a’ Chaibineit airson Foghlam Micheil Ruiseal dhan chànan a nochd.

A’ bruidheann aig Òraid Bhliadhnail an t-Sabhail anns an Eilean Sgitheanach (Diluain, Dùbhlachd 7), canaidh Mghr Ruiseal “nach urrainear a dhol as àicheadh na Gàidhlig mar phàirt de ar dualchas” agus gu bheil e “ceart gun rachadh a’ Ghàidhlig fhaicinn agus a chluinntinn.”

Thuirt Cathraiche a’ Bhùird Art MacCarmaig gu bheil an òraid gu bhith “farsainn, le beachdan fìor chumhachdach agus làidir na theachdaireachd gu buidhnean Gàidhlig agus Coimhearsnachd farsainn na h-Alba gluasad air cùisean.” Chuir Mghr MacCarmaig fàilte cuideachd air beachd gum bu chòir a bhith ag amas nas cinntiche air ionnsachadh na Gàidhlig. Thuirt e: “Tha sinn a’ cur fàilte air an impidh a tha a’ sìor nochdadh bhon Riaghaltas an Alba mu choinneimh an taic dhan Ghàidhlig, a’ stèidheachadh slighe romhainn a bhios beothail, tèarainte agus maireannach. ’S e ceum gu math cudromach a tha seo ann a bhith a’ dèanamh cinnteach gun tèid uile-rùn Phlana Nàiseanta na Gàidhlig a thoirt gu ìre, mar dhòigh cuideachd air a bhith a’ deisealachadh airson an ath Phlana. Tha am Ministir a’ gEalltainn gun tèid barrachd a dhèanamh airson a bhith a’ cleachdadh na Gàidhlig agus tha e ag iarraidh air ùghdarrasan ionadail agus Coimhearsnachd na Gàidhlig co-obrachadh ach am buinnig iad le chèile rùintean a tha reusanta a thaobh follaiseachd agus modhan pragtigeach airson a bhith a’ cleachdadh na Gàidhlig. Tha mi cuideachd a’ gabhail ris na tha e ag ràdh mu bhith èifeachdach agus sùbailte nar dòighean obrach agus tha sin air a bhith na dhùbhlan nach gabh seachnadh.”
Dh’innis an Cathraiche cuideachd gu bheil e am beachd a’ Bhùird Plana Gnìomh a thoirt dhan Mhinistir le uallach airson na Gàidhlig a’ mìneachadh na ceumanan pragtigeach a thathas ag iarraidh a ghabhail airson amasan a’ Phlana Nàiseanta a thoirt gu ìre ann an dòigh nas luaithe na bhathas a’ sùileachadh. Thuirt e “Chan eil am Plana seo idir a’ cur às dhan Phlana Nàiseanta. S ann a tha e a’ cur impidh air, agus gar gluasad aig astar, taobh staigh gach stòras a tha ri fhaotainn an dràsta. Bidh sinn an dùil barrachd de ar stòras a chleachdadh tron luchd-ionnsachaidh. Tha sinn air a bhith an coluadar le na buidhnean a tha an dràsta a’ lìbhrigeadh leasachadh na Gàidhlig agus bidh sin a’ leantainn aig coinneamh de na buidhnean anns an t-Sabhal Mhòr a-màireach. Bidh am Bòrd fhèin a’ deasbad a’ Phlana Gnìomh air an 15mh dhen mhìos seo agus tha mi an dòchas gum bi e an làmhan a’ Mhinistir ron Nollaig. Bheireadh sin dhuinn cothrom gluasad le sìnteig dhan Bhliadhn Ùir, agus bu chòir gum biodh an loidhn’ ùr a tha sinn a’ toirt air structar a’ Bhùird deiseil agus an luchd-obrach ùr againn uile air am fastadh. Bidh sinn ag obair gu dlùth leis an Riaghaltas a dhèanamh cinnteach gum bi Plana Gnìomh againn a bhios adhartach agus beachdail le amasan agus ceann-uidhe gu math soilleir.”